ლუკა მაისურაძე ევროპის ჩემპიონია!

თბილისში მიმდინარე ძიუდოს ევროპის ჩემპიონატზე ლუკა მაისურაძემ ოქროს მედალი მოიპოვა.

ქართველმა -90 კგ. წონით კატეგორიაში ასპარეზობა ისრაელის წარმომადგენელ ფრიდმან ზილბერსტეინთან მოგებით დაიწყო, შემდეგ კი სერბი სოგენოვი დაამარცხა.

1/4 ფინალში ლუკამ ბულგარელ ივანოვს აჯობა, 1/2 ფინალში კი რუმინელ ალექს კრეტთან მოახერხა გამარჯვების მოიპოვება.

ფინალში მაისურაძის მეტოქე ლაშა ბექაურის მომგები, სერბი ნემანია მაიდოვი იყო, რომელსაც ლუკამ დაძაბულ ბრძოლაში, გოლდენ სქორში აჯობა და ევროპის ჩემპიონი გახდა.

2023 წლის მსოფლიო ჩემპიონისთვის ეს ევროპის ჩემპიონატზე მე-2 ოქროს მედალია, მაისურაძემ ამ შედეგის მიღწევა 2022 წელს სოფიაში მოახერხა.

საქართველოსთვის კი თბილისში მიმდინარე ტურნირზე ეს მე-5 მედალია - 3 ოქრო და 2 ვერცხლი. ევროპის ჩემპიონები ეთერ ლიპარტელიანი და ლაშა შავდათუაშვილი გახდნენ, ვერცლს კი გიორგი სარდალაშვილი და ტატო გრიგალაშვილი დაჯერდნენ.

დღეს ბრინჯაოს მედლის მოპოვების შანსი ლაშა ბექაურს ჰქონდა, თუმცა ტრავმირებული ბექაური ფრანგ ნგაიაპ ჰამბუსთან დამარცხდა.