ლუკა მაისურაძე მსოფლიო ჩემპიონატის ნახევარფინალშია!

ბუდაპეშტში მიმდინარე ძიუდოს მსოფლიო ჩემპიონატზე ქართველი ლუკა მაისურაძე [-90 კგ] ნახევარფინალში გავიდა.

1/4 ფინალურ ეტაპზე ლუკამ მეტოქე ესტონელი კრისტოფერ კალიულადისი ვაზარით დაამარცხა და ნახევარფინალში გასვლა დამაჯერებლად მოახერხა.

ნახევარფინალში მაისურაძის მეტოქე იაპონელი სანშირო მურაო იქნება.

ამავე წონაში იბრძოდა ორგზის ოლიმპიური ჩემპიონი ლაშა ბექაურიც, რომელმაც 1/8 ფინალში იტალიელ კენი კომი ბედელთან წააგო.

შეგახსენებთ, რომ მსოფლიო ჩემპიონატი ბუდაპეშტში 13 ივნისს დაიწყო და ამ დრომდე საქართველომ ორი მედლის მოპოვება შეძლო - 1 ოქრო, 1 ვერცხლი.