საქართველოს მესამე მედალი - ლუკა მაისურაძე ბრინჯაოს მფლობელია

ბუდაპეშტში მიმდინარე ძიუდოს მსოფლიო ჩემპიონატზე ქართველმა ლუკა მაისურაძემ [-90 კგ] ბრინჯაოს მედალი მოიპოვა.

2023 წლის მსოფლიო ჩემპიონატის გამარჯვებულმა ბრინჯაოს მედლისთვის გადამწყვეტ ბრძოლაში ლაშა ბექაურის გამნაწყენებელი, იტალიელი კენი კომი ბედელი იპონით დაამარცხა და საქართველოს ამ მსოფლიოზე მესამე მედალი მოუტანა.

ლუკა მაისურაძისთვის ეს მსოფლიო ჩემპიონატებზე უკვე მეოთხე ინდივიდუალური მედალია - 2023 წელს მან ოქრო მოიგო, 2019 და 2022 წლებში კი ბრინჯაოს აღება შეძლო.

საქართველოს 13 ივნისს დაწყებულ მსოფლიო ჩემპიონატზე უკვე სამი მედალი აქვს მოპოვებული - ეთერ ლიპარტელიანმა ოქრო მოგვიტანა, ტატო გრიგალაშვილმა ვერცხლი, ლუკა მაისურაძემ კი ბრინჯაო.

ნახევარფინალამდე ლუკა მაისურაძე საკმაოდ დამაჯერებლად მივიდა, იქ კი გზად ამ წონის ერთ-ერთი ფავორიტი, იაპონელი სანშირო მურაო შეხვდა, რომელთანაც სამწუხაროდ ქართველი დამარცხდა და ბრინჯაოს მედლისთვის ბრძოლაში გადაერთო.

ამავე წონაში იბრძოდა ორგზის ოლიმპიური ჩემპიონი ლაშა ბექაურიც, რომელიც მოულოდნელად 1/8 ფინალში იტალიელ კენი კომი ბედელთან დამარცხდა.