იტალიის ჩემპიონატის მოგების შემდეგ, ვირტუს ბოლონიას პრეზიდენტმა, მასიმო ძანეტიმ თორნიკე შენგელიას მომავალზე ისაუბრა.
"შენგელია მიყვარს. ცოტა ხნის წინ მას და მის მეუღლეს ვუთხარი, რომ როცა ბარსელონაში ჩავალ, მათ მოვინახულებ. მან მითხრა, რომ დამელოდება.
ეს ცხოვრებისეული გადაწყვეტილებაა. ის 33 წლისაა, მან მიიღო შეთავაზება, რომლის უარყოფაც არ შეიძლებოდა და ესპანეთში დაბრუნება გადაწყვიტა, სადაც სახლიც აქვს.
ბოლო თამაშებში მან თავისი გული გაიღო. არასდროს მინახავს, მას ასე კარგად ეთამაშს. უნდა ვთქვა, რომ მიუხედავად კონტრაქტის გაფორმებისა, მან არნახული პროფესიონალიზმი გვაჩვენა ბოლო წუთამდე. ეს საოცრება იყო." - განაცხადა ბოლონიელთა პრეზიდენტმა.
ფინალური სერიის MVP - შენგელიამ ვირტუსს იტალიის ჩემპიონატი მოაგებინა
