არიზონაში ამერიკული ჭიდაობის ორგანიზაციის ღონისძიება RAF 06 შედგა.
ღონისძიებაზე ბევრი საინტერესო ბრძოლა გაიმართა და მათ შორის ერთ-ერთის მონაწილე ქართველიც იყო. ოლიმპიური ვიცე-ჩემპიონი გივი მაჭარაშვილი ამერიკელ სტივენ ბუკანანს დაუპირისპირდა. შეხვედრა ქულებში 3-3 დასრულდა, გამარჯვება კი ქართველ მოჭიდავეს დარჩა.
სხვა ბრძოლებში ალჯამეინ სტერლინგმა ბენსონ ჰენდერსონს, არმან ცარუკიანმა ჯორჯიო პულასს, ჰენრი სეხუდომ კი ურაია ფეიბერს მოუგო.
სეხუდომ გამარჯვების შემდეგ მერაბ დვალიშვილი გამოიწვია, რომელიც ამ გამოწვევას დათანხმდა და მათი ბრძოლა RAF 08-ზე 18 აპრილს შედგება.
შეგახსენებთ, რომ დვალიშვილისა და სეხუდოს დაპირისპირება აქამდეც გვინახავს, ოღონდ UFC-ში. 2024 წლის თებერვალში ქართველმა დიდი უპირატესობით დაამარცხა მეტოქე.
