ალი მაკკოისტის აზრით, მანჩესტერ იუნაიტედის შემტევი მარკუს რაშფორდი არსენალში გაიბრწყინებდა, თუმცა ამ პოტენციურ ტრანსფერთან დაკავშირებით გარკვეული ეჭვებიც აქვს. რაშფორდის მომავალი ამ ზაფხულის სატრანსფერო ფანჯრის წინ გაურკვეველია და ნაკლებად სავარაუდოა, რომ მან მანჩესტერულ კლუბში კვლავ ითამაშოს.
ბოლო ორი სეზონის განმავლობაში ფეხბურთელი იჯარით ასტონ ვილასა და ბარსელონაში გამოდიოდა, სადაც მანჩესტერში განცდილი ჩავარდნის შემდეგ ფორმის აღდგენა შეძლო. ბარსელონას უფლება აქვს რაშფორდი 26 მილიონად გამოისყიდოს, თუმცა გავრცელებული ცნობებით, ესპანური გრანდი ინგლისელი შემტევის დატოვებაზე უარს იტყვის და მის შემცვლელს მოძებნის.
ამან შესაძლოა რაშფორდი კვლავ პრემიერ ლიგაში დააბრუნოს. მაკკოისტის თქმით, ის 100 პროცენტით ხედავს რეშფორდს არსენალში, თუმცა იქვე დასძენს, რომ ლონდონურ კლუბს შეტევაში უკვე ბევრი მოთამაშე ჰყავს, როგორიცაა საკა, მარტინელი და ტროსარი.
რაშფორდისთვის კიდევ ერთ ვარიანტად ასტონ ვილაში დაბრუნება განიხილება. მანჩესტერ იუნაიტედის ლეგენდამ, პოლ სქოულზმა აღნიშნა, რომ ბარსელონაში ის მხოლოდ რაფინიასა და იამალის შემცვლელი იქნება, ამიტომ ფეხბურთელმა თავად უნდა გადაწყვიტოს, სურს თუ არა ისეთ კლუბში გადასვლა, სადაც ყოველ კვირას ითამაშებს. ნიკი ბატის თქმით, მარკუსს სჭირდება თავდაჯერებულობა და მუდმივი სათამაშო პრაქტიკა, რათა თავისი დაუჯერებელი ტალანტი გამოავლინოს.
