მანჩესტერ სიტის პორტუგალიელმა მცველმა, რუბენ დიაშმა, ტელეწამყვან მაია ჯამასთან დაშორება ოფიციალურად დაადასტურა და კატეგორიულად უარყო ხმები ღალატის შესახებ.
ფეხბურთელმა დუმილის დარღვევა მას შემდეგ გადაწყვიტა, რაც ყვითელ პრესაში გავრცელებულმა ჭორებმა მის ოჯახამდე მიაღწია.
ინსტაგრამზე გამოქვეყნებულ ვრცელ პოსტში დიაშმა აღნიშნა, რომ ჭორები მის პირად ცხოვრებას სცდება და უკვე შეურაცხმყოფელ ხასიათს ატარებს. წყვილის ურთიერთობა 18 თვის განმავლობაში გრძელდებოდა, თუმცა მაისის შუა რიცხვებში მათ სოციალური ქსელებიდან ერთობლივი ფოტოები წაშალეს.
ამჟამად რუბენ დიაში პორტუგალიის ნაკრებშია და 2026 წლის მსოფლიო ჩემპიონატისთვის ემზადება.
„როდესაც ჩემი 85 წლის ბაბუა მეკითხება, ვუღალატე თუ არა შეყვარებულს, რადგან ეს ახალ ამბებში არაერთხელ ნახა, სწორედ აქ ვავლებ ზღვარს იმაზე, თუ რა არის მისაღები და რა არა. მაიას და ჩემს ურთიერთობას ყოველთვის ურთიერთპატივისცემა დაედო საფუძვლად. ამ მხრივ ზღვარი არასდროს გადაგვიკვეთავს.
ბევრჯერ გამეორებული ტყუილი შეიძლება სიმართლედ მოგეჩვენოთ, ამიტომ გეუბნებით, რომ არ მიღალატია, არც ამის სურვილი ან ცდუნება მქონია. მიმაჩნია, რომ მაია სამყაროში ყველანაირ პატივისცემას იმსახურებს. ჩვენი დაშორების მიზეზები პირადი თემაა, რომელიც მხოლოდ ჩვენ გვეკუთვნის და ამას ორივე ზრდასრულად მივუდექით. ყოველთვის ვამჯობინებდი ამ საკითხებზე დუმილს, რადგან პირადი ცხოვრება მხოლოდ ჩემი საქმეა. თუმცა, ვფიქრობ, ხალხის მოტყუება და ვინმეს საპირისპირო იმიჯის ჩვენება მხოლოდ კლიკების მისაღებად, არასწორია. პატივი ეცით მეც, პატივი ეცით მაიასაც და გააცნობიერეთ, რომ ურთიერთობის დასასრულებლად ყოველთვის არ არის აუცილებელი ერთმა მეორეს უღალატოს.“
