მანჩესტერ იუნაიტედის ხუთმა ფეხბურთელმა ამ ზაფხულს კლუბის შეცვლის სურვილი გამოთქვა.
ინფორმაციას სოციალურ ქსელში ფაბრიციო რომანო ავრცელებს.
მარკუს რაშფორდმა, ანტონიმ, ალეხანდრო გარნაჩომ, ტაირელ მალასიამ და ჯეიდონ სანჩომ კლუბს შეატყობინეს, რომ წასვლა სურთ.
წითელმა ეშმაკებმა ხუთივე ამ ფეხბურთელის კლუბში დაბრუნება ივლისის ბოლო რიცხვებამდე გადადო, რადგან კლუბს სურს, რომ მათი მომავალი რაც შეიძლება მალე გაირკვეს.
ხელმძღვანელობამ რაშფორდს შეატყობინა, რომ ახალი სეზონიდან მის 10-ნომრიან მაისურს ახალწვეული მათეუს კუნია მოირგებს, რაც ხაზს უსვამს იმ ფაქტს, რომ მანჩესტერში თავის აღზრდილზე იმედებს აღარ ამყარებენ.
ხუთიდან ოთხმა ფეხბურთელმა 24/25 სეზონის მეორე ნახევარი სხვა კლუბებში იჯარით გაატარა. ერთადერთი, რომელმაც სრული სეზონი მანჩესტერში გაატარა - ალეხანდრო გარნაჩოა, რომელიც რუბენ ამორიმის გეგმებში ასევე აღარ შედის.
