მანუელ ნოიერი ინტერთან ვერ ითამაშებს

გერმანული BILD-ის ცნობით, უეფას ჩემპიონთა ლიგის 1/4 ფინალური ეტაპის განმეორებით მატჩში მანუელ ნოიერი ვერ ითამაშებს.

გერმანელმა მეკარემ ინდივიდუალური ვარჯიში დაიწყო, თუმცა ინტერთან შეხვედრისთვის მზად არ არის.

ბაიერნში იმედი აქვთ, რომ ნოიერი ამ კვირიდან თუ არა უკვე შემდეგი კვირიდან მოახერხებს გუნდის დახმარებას.

მიუხედავად იმისა, რომ ვერ ითამაშებს, ბაიერნის ლეგენდა მაინც გაჰყვა გუნდს მილანში საგულშემატკივროდ.

პირველ მატჩში 1-2 მარცხის შემდეგ მიუნხენური გუნდი სან სიროზე შეეცდება ორმატჩიან დუელში უპირატესობის მოპოვებას.