The Athletic-ის ჟურნალისტის, დევიდ ორნშტეინის ინფორმაციით, მარსელი მუშაობს გარიგებაზე, რომლის მიხედვითაც იჯარით არსენალის ფეხბურთელ ეთან ნვანერის გაიფორმებს.
ჯერ-ჯერობით შეთანხმება მიღწეული არ არის, თუმცა ნებისმიერი შეთანხმება მოიცავს საფასურს, რომელიც შეიძლება ჩატარებული მატჩების რაოდენობის მიხედვით შეიცვალოს და არ ითვალისწინებს გამოსყიდვის უფლებას.
18 წლის ფეხბურთელის მიმართ ინტერესს პრემიერ ლიგის სხვა კლუბებიც და ევროპის სხვადასხვა ჩემპიონატების წარმომადგენლებიც სხვა, თუმცა ზოგიერთ მსურველს მუდმივი ტრანსფერის მექანიზმის ჩართვა სურდა, რაზეც არსენალი თანხმობას არ აცხადებს.
მარსელის მთავარმა მწვრთნელმა რობერტო დე ძერბიმ პოზიტიური საუბრები გამართა როგორც არსენალის მწვრთნელ მიკელ არტეტასთან, ისე თავად ნვანერისთან. იტალიელი სპეციალისტი და მისი სათამაშო სტილი ერთ-ერთი მთავარი ფაქტორია, რის გამოც ლიგა 1-ის კლუბი პრემიერ ლიგის მხარემ ფავორიტად მიიჩნია.
ინგლისის 21-წლამდე ნაკრების შემტევი ნახევარმცველისგან გადაწყვეტილება უახლოეს პერიოდშია მოსალოდნელი, რადგან ყველა მხარე ცდილობს, მას მიმდინარე სეზონში მეტი სათამაშო დრო მიეცეს.
