UFC-ის ლონდონის ღონისძიების მთავარ ქარდზე რომან დოლიძის ბრძოლა გაიმართა.
ქართველ მებრძოლსა და ბრიტანელ კრისტიან ლეროი დანკანს შორის 3-რაუნდიანი დაპირისპირება შედგა და გამარჯვებული გადაწყვეტილებით გამოვლინდა.
დაძაბული ბრძოლის შემდეგ მსაჯთა ერთსულოვანი გადაწყვეტილებით (29-28, 29-28, 29-28) გამარჯვებულად კრისტიან ლეროი დანკანი გამოცხადდა.
მსაჯებმა პირველი და მეორე რაუნდი დანკანს მისცეს, მესამე რაუნდი კი აქტივში დოლიძეს ჩაეთვალა, თუმცა ქართველის აზრით, პირველი რაუნდიც მისი იყო.
რომან დოლიძემ UFC-ში ზედიზედ მე-2 ბრძოლა წააგო, ბრიტანელმა კი ზედიზედ მე-4 გამარჯვება მოიპოვა და საშუალო დივიზიონის ტოპ 15-ში ადგილი დაიმსახურა.
