მერაბ დვალიშვილი რომან დოლიძესთან ლონდონში ჩავიდა და კრისტიან ლეროი დანკანთან ბრძოლისთვის მზადებისას მის გვერდითაა.
,,ჩამოვედი ლონდონში. როგორც იცით, 21 მარტს, რომან დოლიძეს აქვს ძალიან დიდი ბრძოლა, რომელიც ადგილობრივს დაუპირისპირდება. რა თქმა უნდა, ძალიან მაგარი ბრძოლა იქნება.
მე ჩამოვედი რომან დოლიძის საგულშემატკივროდ და გასამხნევებლად და როგორც გავარკვიეთ, მას ადგილი ჰქონდა კუთხეში და მოკლედ, რომან დოლიძის კუთხეში ვიქნები.
სპარინგ-პარტნიორადაც მომიწია ვარჯიში მასთან, ახლა წონას იკლებს და მხოლოდ წონის დასაკლებ ვარჯიშებს ატარებს, კლების პროცესი ჩვეულებრივზე კარგად მიდის.
მან პოლონეთში გაიარა მომზადება. იდეალურ და ოპტიმალურ ფორმაში არის და დარწმუნებული ვარ, რომ გამარჯვებას მოიპოვებს და როგორც ყოველთვის, ვიამაყებთ რომან დოლიძის ბრძოლით." - განაცხადა მერაბ დვალიშვილმა ჩვენთან საუბარში.
UFC-ის ლონდონის ღონისძიების მთავარ ქარდზე რომან დოლიძე ადგილობრივ კრისტიან ლეროი დანკანთან შეეცდება გამარჯვების მოპოვებას.
ფოტოები: დოლიძე ბრძოლისთვის დვალიშვილთან ერთად ემზადება
