საქართველოს წყალბურთელთა ნაკრებმა მსოფლიო თასის ფინალურ ეტაპზე მეორე შეხვედრა გამართა და მონტენეგროსთან დამარცხდა.
ტურნირის 1/4 ფინალში იტალიასთან მარცხის შემდეგ, რევაზ ჩომახიძის გუნდი მე-5 ადგილისთვის ბრძოლას აგრძელებდა, რისთვისაც ორიდან ორი გამარჯვება სჭირდებოდა, თუმცა მონტენეგროსთან 16:18 წააგო და ახლა მე-7 ადგილის მოპოვების შანსიღა დარჩა.
მე-7 ადგილისთვის მატჩი ხვალ, 25 ივლისს ხორვატიის წინააღმდეგ გაიმართება.
საქართველოს ნაკრები წყალბურთის მსოფლიო თასის ფინალურ ეტაპზე ისტორიაში პირველად ასპარეზობს - მსოფლიოს 8 საუკეთესო ნაკრები ავსტრალიის ქალაქ სიდნეიშია და პლანეტის უძლიერეს გუნდს გამოავლენს.
ფოტო: საქართველოს საწყლოსნო სპორტის სახეობათა ფედერაცია
