უეფას ჩემპიონთა ლიგის პლეიოფის მატჩის შემდეგ, კილიან მბაპემ ვინისიუს ჟუნიორისა და ჯანლუკა პრესტიანის ინციდენტთან დაკავშირებით ისაუბრა.
„მე მოგიყვებით სრულ ისტორიას იმის შესახებ, რაც მოხდა: ვინისიუსმა გაიტანა გოლი და რა გოლი იყო! შემდეგ აღნიშნა.
შემდეგ გულშემატკივრებმა სტვენა დაიწყეს. ასეთი რაღაცები ხდება, ხდებოდა და კიდევ მოხდება ფეხბურთში.
შემდეგ ბენფიკას ფეხბურთელებთან დაძაბული მომენტი იყო. უმჯობესია, რომ მოვლენები არ გამწვავდეს, მაგრამ ესეც შესაძლებელია, რადგან, როგორც იცით, ეს ჩემპიონთა ლიგაა, მსოფლიოში საუკეთესო საკლუბო ტურნირი და საბოლოოდ ბუნებრივია, რომ ყველას უნდა გამარჯვება, საკუთარი გულშემატკივრებისთვის, საკუთარი კლუბისთვის ყველაფერი გაიღოს და საკუთარი გუნდი დაიცვას.
იყო ბენფიკას ფეხბურთელი ნომერი 25, არ მინდა მისი სახელის ხსენება, ის ამას არ იმსახურებს, რომელმაც უხეშად საუბარი და შეურაცხყოფების თქმა დაიწყო. ესეც მიუღებელია, მაგრამ ხდება ფეხბურთში და ყოველთვის მოხდება.
შემდეგ მან მაისური აიფარა პირზე და თქვა: „მაიმუნი, მაიმუნი, მაიმუნი, მაიმუნი, მაიმუნი“.
მე გავიგონე, როგორ თქვა ეს, ბენფიკას რამდენიმე ფეხბურთელმაც გაიგონა და შემდეგ დაიწყო ყველაფერი ის, რაც თქვენ ნახეთ.
მე უდიდეს პატივს ვცემ ბენფიკას და მათ მწვრთნელს, რომელიც ისტორიაში ერთ-ერთი საუკეთესოა და რომელმაც რეალთან ერთად ისტორია დაწერა, მაგრამ ჩემი აზრით, ეს ფეხბურთელი აღარ იმსახურებს ჩემპიონთა ლიგაზე თამაშს.
ჩემპიონთა ლიგაზე თამაში უდიდესი პატივია, ეს ყველაზე პრესტიჟული ტურნირია. ვფიქრობ, აქ ყველანი წარმოუდგენლად აღფრთოვანებულები ვართ ჩემპიონთა ლიგით. რა თქმა უნდა, მეც აღფრთოვანებული ვარ როგორც ფეხბურთელი, ეს აღაფრთოვანებს ადამიანებს, განსაკუთრებით ბავშვებს.
ჩვენ უნდა ვიყოთ კარგი მაგალითი ახალგაზრდებისთვის, რადგან თუ ასეთ რაღაცებს უყურადღებოდ დავტოვებთ, ვფიქრობ, ფეხბურთის ყველა ღირებულება დაკარგავს მნიშვნელობას, ყველაფერი, რისიც გვჯერა, დაკარგავს ფასს, და ჩვენ თავად უნდა წარმოვადგენდეთ ღირებულებას.“ - განაცხადა ფრანგმა ფეხბურთელმა.
მოურინიო: "ვინის აღნიშვნა სხვანაირი უნდა ყოფილიყო"
