ვინისიუსმა კაკა ჩამოიტოვა — წინ მხოლოდ ნეიმარია

მადრიდის რეალის ვინგერმა, ვინისიუს ჯუნიორმა, ბენფიკასთან მატჩში ჩემპიონთა ლიგაზე თავისი 31-ე გოლი გაიტანა.

ამ შედეგით ბრაზილიელმა ტურნირის ისტორიაში საუკეთესო ბრაზილიელ მეგოლეებს შორის მეორე ადგილზე გადაინაცვლა. მან მილანისა და რეალის ყოფილ ნახევარმცველს, კაკას (30 გოლი) გადაასწრო.

ამ მაჩვენებლით ლიდერი ბარსელონასა და პსჟ-ს ყოფილი თავდამსხმელი, ნეიმარია, რომლის ანგარიშზეც 43 გოლია.

ნეიმარმა 43 გოლი 81 მატჩში გაიტანა, კაკამ 30 გოლის გატანა 86 თამაშში შეძლო, ვინისიუსმა კი 31-გოლიან ნიშნულს თავის 77-ე თამაშში მიაღწია.

მეოთხე ადგილს ამ სიაში რივალდო იკავებს 27 გოლით.