მბაპემ მესის და რონალდუს რეკორდი დაამხო, თუმცა ლიგას დაემშვიდობა

კილიან მბაპემ მესისა და რონალდუს რეკორდი მოხსნა, თუმცა ტიტულის გარეშე დარჩა

კილიან მბაპეს რეალ მადრიდში გადასვლის მთავარი მიზანი ჩემპიონთა ლიგის მოგება იყო, თუმცა ბედის ირონიით, მისი წასვლის შემდეგ პსჟ-მ ეს ტიტული პირველივე სეზონში მოიგო, წელს კი ისევ ნახევარფინალშია, მაშინ როცა მბაპე ტურნირს მეოთხედფინალიდან გამოეთიშა.

მიუხედავად გუნდური მარცხისა, ფრანგმა ვარსკვლავმა ინდივიდუალურ დონეზე ისეთ შედეგს მიაღწია, რაც ლიონელ მესიმ და კრიშტიანუ რონალდუმ თავიანთი დიდებული კარიერის განმავლობაში ვერ შეძლეს.

ისტორიული რეკორდი გასვლით მატჩებში

ბაიერნის კარში გატანილი გოლით მბაპემ მიმდინარე ჩემპიონთა ლიგის სეზონში გასვლით შეხვედრებში გატანილი გოლების რაოდენობა 10-მდე გაზარდა. ეს არის აბსოლუტური რეკორდი, რომელიც მანამდე არცერთ ფეხბურთელს არ დაუმყარებია. თუმცა, გასათვალისწინებელია ერთი გარემოება: ტურნირის ახალი ფორმატი უფრო მეტ გასვლით მატჩს ითვალისწინებს, ვიდრე ეს მესისა და რონალდუს დროს იყო.

გარდა ამისა, მბაპემ კარიერაში ჩემპიონთა ლიგის 70-გოლიან ნიშნულს მიაღწია. ის მხოლოდ მეექვსე ფეხბურთელია ისტორიაში, ვინც ამ შედეგს მიუახლოვდა. მიუხედავად იმისა, რომ რეალს დაცვაში ბევრი პრობლემა ჰქონდა, მბაპემ თავისი წვლილი შეიტანა, თუმცა ეს ნახევარფინალში გასასვლელად საკმარისი არ აღმოჩნდა.