ევერტონის ნახევარმცველმა, ჯეკ გრილიშმა, გულშემატკივრებს აცნობა, რომ ოპერაცია გაიკეთა.
იანვარში გრილიშს, რომელიც ევერტონშიმანჩესტერ სიტიდან იჯარით იმყოფება, ტერფის მოტეხილობა დაუდგინდა. „კანფეტების“ მთავარმა მწვრთნელმა, დევიდ მოიესმა დაუშვა, რომ ნახევარმცველი მიმდინარე სეზონში მოედანზე ვეღარ გამოვა.
„არ მინდოდა, სეზონი ასე დასრულებულიყო, მაგრამ ეს ფეხბურთია. ოპერაცია დასრულდა და ახლა მთელი ყურადღება ფორმის აღდგენაზე მაქვს გადატანილი. ზუსტად ვიცი, რომ იმაზე ჯანმრთელი, ძლიერი და შედეგიანი დავბრუნდები, ვიდრე ადრე ვიყავი.
მხარდაჭერა, რომელსაც ამ დიდებულ კლუბში გადმოსვლის დღიდან ვგრძნობ, ჩემთვის ბევრს ნიშნავს. სამწვრთნელო შტაბი, თანაგუნდელები და განსაკუთრებით გულშემატკივრები წარმოუდგენლები იყვნენ.
ამ კლუბის წარდგენა ჩემთვის დიდი სიამოვნებაა. ბიჭებს გვერდში დავუდგები და ყველაფერს გავაკეთებ რაც შეიძლება მალე დასაბრუნებლად. კიდევ ერთხელ მადლობა სიყვარულისთვის“, – დაწერა გრილიშმა ინსტაგრამზე.
