ოფიციალურად: ბერნარდუ სილვა სეზონის ბოლოს მანჩესტერ სიტის დატოვებს

მანჩესტერ სიტი ადასტურებს, რომ ბერნარდუ სილვა ამ ზაფხულში კლუბს დატოვებს.

,,პორტუგალიელი პლეიმეიკერი სიტის 2017 წელს შეუერთდა და 9 ბრწყინვალე სეზონის განმავლობაში „ქალაქელთა“ რიგებში 451 მატჩი ჩაატარა.

31 წლის ფეხბურთელის წვლილი კლუბის ისტორიაში ყველაზე წარმატებულ პერიოდში შეუფასებელია.

დღემდე მან მოიგო 19 მნიშვნელოვანი ტიტული, მათ შორის: 6 პრემიერ ლიგა, 1 უეფას ჩემპიონთა ლიგა, 2 FA თასი, 5 კარაბაოს თასი, 3 ქომუნითი შილდი, FIFA-ს საკლუბო მსოფლიო ჩემპიონატი და უეფას სუპერთასი. ბოლოს კი ბერნარდუმ 2026 წლის კარაბაოს თასის ფინალში არსენალთან გამარჯვებაში გუნდი კაპიტნის სტატუსით გაიყვანა.

ტიტულებთან ერთად, მის ანგარიშზეა 76 გოლი და 77 საგოლე გადაცემა, რაც კიდევ უფრო უსვამს ხაზს მის ყოვლისმომცველ წვლილს.

ის ცოტა ხნის წინ შევიდა სიტის ყველა დროის საუკეთესო 10 მოთამაშეს შორის ჩატარებული მატჩების რაოდენობით, გადაუსწრო ისეთ ცნობილ ფეხბურთელებს, როგორებიც არიან დავიდ სილვა, პოლ პაუერი და უილი დონაჩი.

ბერნარდუ ახლა შეეცდება დარჩენილი დრო მაქსიმალურად გამოიყენოს და კიდევ მეტი ტიტული მოიგოს, რადგან პეპ გვარდიოლას გუნდი კვლავ იბრძვის როგორც პრემიერ ლიგის, ასევე FA თასის მოსაგებად.

მოკლედ, ის სამართლიანად დარჩება როგორც სიტის ისტორიაში ერთ-ერთი საუკეთესო და ყველაზე საყვარელი ფეხბურთელი." - წერია კლუბის განცხადებაში.