-
Aa
+
ფონტის ზომა
პარიზის 2024 წლის ოლიმპიადაზე თავისუფალ ჭიდაობაში -125 კგ. წონითი კატეგორიაში საქართველოს ღირსება გენო პეტრიაშვილმა დაიცვა.
ქართველის მეტოქე ფინალში ირანელ ამირ ჰოსეინ ზარე იყო. გენომ პირველი პერიოდი დამაჯერებლად წარმართა, თუმცა მეორე პერიოდში ნერვიულობა მაინც მოგვიწია. საბოლოოდ ქართველმა 10-9 იმარჯვა და ოლიმპიური ჩემპიონი გახდა!
პეტრიაშვილმა კარიერაში მე-3 ოლიმპიური მედალი დაიმსახურა - 2016 წელს რიოში ქართველი ბრინჯაოს პრიზიორი გახდა, 2021 წელს ტოკიოში ვერცხლს დასჯერდა, ახლა კი პარიზში ოქრო მოიგო.
ქართველმა ასპარეზობა 1/8 ფინალიდან დაიწყო, სადაც უკრაინელ ოლექსანდრ ხოციანივსკის დაუპირისპირდა. გენომ შეხვედრა დომინანტურად წარმართა და შეხვედრა დროზე ადრე დაასრულა, საბოლოო ანგარიშად 11-0 დაფიქსირდა.
მისი მეტოქე 1/4 ფინალში პოლონელი რობერტ ბარანი იყო, რომელიც დამაჯერებლად დაამარცხა. საბოლოო ანგარიშად 9-2 დაფიქსირდა და პეტრიაშვილი 1/2 ფინალში გავიდა.
ტურნირის 1/2 ფინალში ქართული დაპირისპირება გაიმართა. გენო აზერბაიჯანის სახელით მოასპარეზე გიორგი მეშვილდიშვილს შეხვდა. შეხვედრა გენოს დამაჯერებელი გამარჯვებით 7-0 დასრულდა.
თ
თაზო ჩარკვიანი
კომენტარები
