უეფას სუპერ თასზე პარი სენ-ჟერმენმა ტოტენჰემი პენალტების სერიაში დაამარცხა.
VIDEO: პსჟ - ტოტენჰემი [პენალტების სერია სრულად]
პარიზელთა მთავარი მწვრთნელი, ლუის ენრიკე ამ ტიტულის მოპოვებით ელიტურ სიას შეუერთდა. ესპანელი გახდა მე-5 მწვრთნელი ისტორიაში, რომელმაც უეფას სუპერ თასი ორ სხვადასხვა გუნდთან ერთად მოიგო.
აქამდე ეს სერ ალექს ფერგიუსონმა, ლუი ვან გაალმა, კარლო ანჩელოტიმ და პეპ გვარდიოლამ შეძლეს.
ფერგიუსონმა ევროპის სუპერ თასი აბერდინთან ერთად 1983 წელს მოიგო, მანჩესტერ იუნაიტედთან ერთად კი - 1991 წელს.
ლუი ვან გაალმა სუპერ თასი აიაქსს 1995 წელს მოაგებინა, 1997 წელს კი ბარსელონასთან ერთად შეძლო ტიტულის მოპოვება.
კარლო ანჩელოტიმ მილანში 2-ჯერ შეძლო უეფას სუპერ თასის მოგება - 2003 და 2007 წლებში, რეალთან ერთად კი იტალიელმა აღნიშნული ტიტულის მოპოვება 3-ჯერ მოახერხა - 2014, 2022 და 2024 წლებში.
პეპ გვარდიოლა ამ სიაში ერთადერთია, რომელმაც უეფას სუპერ თასი 3 გუნდთან ერთად მოიგო. ესპანელმა 2009 და 2011 წელში ბარსელონას მოაგებინა თასი, 2013 წელს - ბაიერნს, 2023 წელს კი - მანჩესტერ სიტის.
რაც შეეხება ლუის ენრიკეს, ლუჩოს თავკაცობით ბარსელონამ სუპერ თასი 2015 წელს თბილისში მოიგო, წელს კი ტიტული პარი სენ-ჟერმენმა მოიპოვა, რომლისთვისაც ეს კლუბის ისტორიაში პირველი უეფას სუპერ თასია.
ლუის ენრიკე: "ფეხბურთი ხანდახან უსამართლოა, 80 წუთი მოგებას ტოტენჰემი იმსახურებდა"
