რეალის მთავარი მწვრთნელი, ალვარო არბელოა, გამოეხმაურა კითხვას იმის შესახებ, როგორ აფასებს გუნდის სათავეში გატარებულ ექვს მატჩს.
ლა ლიგის 22-ე ტურში რეალმა რაიო ვალეკანო 2:1 დაამარცხა.
„მე თეთრი გენდალფი არ ვარ. ის, რაც ფეხბურთელებისგან მინდოდა — სწორედ ამას ვხედავ ახლა: თავდადებას და სწორ დამოკიდებულებას საქმის მიმართ. ძალისხმევა, რომელიც დღეს აჩვენეს, მუდმივი უნდა იყოს.
ეს რეალია და მოსაგებად საჭიროა სხვებზე მეტი გააკეთო. რა თქმა უნდა, ვალენსია საკუთარ მოედანზე სეზონის მატჩს ჩაატარებს და მის მოსაგებად ძალიან მაღალი დონის თამაში მოგვიწევს, — განაცხადა არბელოამ.
შემდეგ ტურში რეალი ვალენსიას სტუმრად შეხვდება.
განდალფ თეთრი — ჯონ რ. რ. ტოლკინის რომანის „ბეჭდების მბრძანებლის“ პერსონაჟია.
