უნგრეთის დედაქალაქ ბუდაპეშტში მიმდინარე ძიუდოს მსოფლიო ჩემპიონატზე, ქართველი ეთერ ლიპარტელიანი [53 კგ] ფინალში გავიდა.
ნახევარფინალურ დაპირისპირებაში ლიპარტელიანმა თურქმენეთელი მაისა პარდიევა იპონით დაამარცხა და მსოფლიო ჩემპიონატის ფინალში მონაწილეობის უფლება პირველად მოიპოვა.
ქართველი ჯუდოკა ოქროს მედლისთვის იაპონელ მომო ტამაოკის დაუპირისპირდება, ფინალური ბლოკი 20:00 საათზე დაიწყება.
25 წლის ეთერ ლიპარტელიანს მსოფლიო ჩემპიონატებზე ამ დრომდე ერთი მედალი აქვს მოპოვებული - 2023 წელს დოჰაში გამართულ ტურნირზე მან ბრინჯაოს მედლის მოპოვება შეძლო.
შეგახსენებთ, რომ მსოფლიო ჩემპიონატი ბუდაპეშტში გუშინწინ, 13 ივნისს დაიწყო, საქართველო ამ დრომდე უმედლოდ გამოდიოდა.
