ანზორ მექვაბიშვილის ამერიკულ ჩიკაგო ფაიერში გადასვლა უნივერსიტატეას ისტორიაში ერთ-ერთ ყველაზე ძვირადღირებული ტრანსფერი გახდება.
საქართველოს ეროვნული ნაკრების ნახევარმცველი ორ-ნახევარი სეზონის შემდეგ რუმინეთის სუპერლიგას ტოვებს, ტრანსფერის საფასური 3 მილიონი ევროა, თავისი ბონუსებით.
მექვაბიშვილის უნივერსიტატიიდან წასვლა ოფიციალურად ჯერ არ დადასტურებულა, მაგრამ ეს მხოლო დროის ამბავია. ქართველი ფეხბურთელის MLS-ში გადასვლა ბოლო წლებში რუმინული კლუბის მიერ განხორციელებულ ტოპ 5 ტრანსფერში მოხვდა.
მექვაბიშვილმა რუმინეთის ჩემპიონ უნივერსიტატეაში შესანიშნვი სეზონი ჩაატარა. იგი გასულ წელს რუმინეთის ჩემპიონი და თასისა და სუპერთასის მფლობელი გახდა. ქართველმა გუნდის შემადგენლობაში 119 მატჩი ჩაატარა, 7 გოლი გაიტანა და 14 საგოლე გადაცემა შეასრულა.
უნივერსიტატეას ხუთი ყველაზე ძვირადღირებული ტრანსფერი:
ვალენტინ მიჰაილა - პარმა, 9.5 მილიონი ევრო.
ალექსანდრუ მიტრიცი - ნიუ-იორკ სიტი, 8 მილიონი ევრო.
ალექსანდრუ ჩიკალდაუ - გალათასარაი, 6.5 მილიონი ევრო.
ანდრეი ივანი - კრასნოდარი, 3 მილიონი ევრო.
ანზორ მექვაბიშვილი - ჩიკაგო ფაიერი, 3 მილიონი ევრო.
