მერამდენე ადგილზე გაიყვანა ტროი დინიმ კვარა ოქროს ბურთის ათეულში?

ტროი დინიმ ოქროს ბურთის ფავორიტთა შორის ხვიჩა კვარაცხელია მესამე ადგილზე დაასახელა.

CBS Sports-ის ექსპერტმა და უოტფორდის ყოფილმა თავდამსხმელმა ტროი დინიმ მიმდინარე წლის ოქროს ბურთის ჯილდოს საკუთარი რჩეულთა ათეული გამოაქვეყნა, სადაც პარი სენ-ჟერმენის ქართველი სუპერვარსკვლავი საპატიო სამეულში შეიყვანა.

დინის შეფასებით, კვარაცხელიამ პარიზულ გუნდში დაუჯერებელი სეზონი ჩაატარა და მიუხედავად იმისა, რომ სანაკრებო კუთხით მსოფლიო ჩემპიონატის ბარიერი მისთვის მიუწვდომელი აღმოჩნდა, საკლუბო დონეზე ნაჩვენები თამაშით მან საუკეთესოებს შორის ადგილი სრულად დაიმსახურა.

რაც შეეხება რეიტინგის ლიდერებს, ბრიტანელმა ექსპერტმა მთავარი ჯილდო ლამინ იამალს მიანიჭა, ხოლო მეორე, მეოთხე და მეხუთე პოზიციებზე ჰარი კეინი, კილიან მბაპე და მაიკლ ოლისე განალაგა.

ოქროს ბურთის გამარჯვებულის ვინაობა 26 ოქტომბერს, ლონდონში დაგეგმილ ცერემონიაზე გახდება ცნობილი.