ხვიჩა კვარაცხელია პარიზელთა მხსნელად მოგვევლინა

პსჟ-მ ლიგა 1-ის მორიგ ტურში ლე მანი შინ, 3:1 დაამარცხა, თუმცა პარიზელთათვის ეს შეხვედრა მარტივი ნამდვილად არ ყოფილა.

მიუხედავად იმისა, რომ ლუის ენრიკეს გუნდი უდიდეს უპირატესობას ფლობდა, 54-ე წუთზე სტუმრებმა ანგარიშის გათანაბრება შეძლეს და პარკ დე პრენსზე ნამდვილი შოკი გამოიწვიეს.

სწორედ ამ კრიტიკულ მომენტში, 59-ე წუთზე, ლუის ენრიკემ მოედანზე ხვიჩა კვარაცხელია შეუშვა, რამაც თამაშის სცენარი სრულად შეცვალა. ქართველ ვარსკვლავს გოლის გასატანად სულ რაღაც 2 წუთი დასჭირდა, 61-ე წუთზე მან პსჟ 2:1 დააწინაურა და გუნდს ფსიქოლოგიური უპირატესობა დაუბრუნა. მოგვიანებით, საბოლოო წერტილი მაგნეს აკლიუშმა დასვა.

მატჩის შემდეგ სპორტულმა მედიამ ხვიჩას გამოსვლა უმაღლესი, 8 ქულით შეაფასა. გამოცემები წერენ, რომ კვარაცხელია „თამაშის აბსოლუტური შემცვლელი“ იყო, რომლის სისწრაფესთან და ტექნიკასთან გამკლავება ლე მანის გადაღლილმა დაცვამ ვეღარ შეძლო.

როგორც ჩანს, მატჩის წინ ლუის ენრიკეს მიერ გამოხატულმა ნდობამ გაამართლა - კვარამ უგოლო სერია დაასრულა, კრიტიკოსებს პასუხი გასცა და კიდევ ერთხელ დაამტკიცა, რომ პარიზული კლუბისთვის გადამწყვეტი ფიგურაა.