გამოცემა L'Équipe-ის ცნობით, CIES-ის ფეხბურთის ობსერვატორიამ გასული 365 დღის ყველაზე პროდუქტიული ფეხბურთელების რეიტინგი გამოაქვეყნა, რომელსაც სათავეში ლიონელ მესი უდგას.
ინტერ მაიამის შემადგენლობაში არგენტინელმა ვარსკვლავმა MLS-ში 59 საგოლე მოქმედება დააგროვა, 37 გოლი და 22 საგოლე გადაცემა. მესი თავის უახლოეს მდევარს, ჰარი კეინს, 17 პუნქტით უსწრებს.
რეიტინგში გამოყენებულია სირთულის კოეფიციენტიც, რომლის მიხედვითაც მესი კვლავ პირველ ადგილზე რჩება 66.3 ქულით. მას მცირედით ჩამორჩება კილიან მბაპე, რომელმაც რეალ მადრიდის რიგებში 41 საგოლე მოქმედება (37 გოლი) შეასრულა და 65.4 ქულა დაიმსახურა. საუკეთესო ათეულში ბაიერნ მიუნხენის ერთბაშად სამი ფეხბურთელი მოხვდა: ჰარი კეინი მესამე ადგილზეა, მაიკლ ოლისე მეოთხეზე, ხოლო ლუის დიასი მეცხრე პოზიციას იკავებს.
საინტერესოა, რომ ყველაზე ახალგაზრდა მოთამაშე რეიტინგში 18 წლის ლამინ იამალია. ბარსელონას ტალანტმა ლა ლიგაში გატანილი 18 გოლითა და 11 პასით მეშვიდე ადგილი დაიკავა.
ასაკოვან მოთამაშეებს შორის კი, მესისთან ერთად, კვლავ ფიგურირებს 41 წლის კრიშტიანუ რონალდუ, რომელმაც გასულ წელს 31 საგოლე მოქმედება მიითვალა.
