დღეს მსოფლიო ჩემპიონატზე ძალიან საინტერესო დღე გვაქვს.
საქმეში ბრუნდებიან წინა მუნდიალის ფინალისტები და ასევე ჰალანდის ნორვეგია.
არგენტინა - ავსტრია [21:00]
წინა მატჩში არგენტინამ ლეო მესის ბრწყინვალე პერფომანსითა და ჰეთ-თრიქით ალჟირის ნაკრები გაანადგურა, დღეს კი ავსტრიასთან გამარჯვებით ჯგუფიდან გასვლის ოფიციალურად განაღდებას შეეცდება.
თავის მხრივ, ავსტრიამ პირველ ტურში დებიუტანტი იორდანია დაამარცხა 3:1 და დღეს ჯგუფის ლიდერები ხვდებიან ერთმანეთს. ვინც მოიგებს - ჯგუფიდან ოფიციალურად გადის.
სავარაუდო შემადგენლობები:
არგენტინა: მარტინესი, მოლინა, რომერო, მარტინესი, მედინა, დე პაული, მაკ ალისტერი, ფერნანდესი, ალმადა, მესი, მარტინესი
ავსტრია: შლაგერი, მვენე, ალაბა, ლინჰარტი, ლაიმერი, შლაგერი, ზაივალდი, ზაბიტცერი, ადამუ, შმიდი, არნაუტოვიჩი.
საფრანგეთი - ერაყი [01:00]
პირველ ტურში საფრანგეთმა სენეგალთან 2002 წლის მარცხზე შური იძია და მბაპეს დუბლითა და ბარკოლას გოლით 3:1 დაამარცხა. განსაკუთრებით ლამაზი კილიანს მეორე გოლი გამოუვიდა, რომლითაც ის ნაკრების ყველა დროის საუკეთესო ბომბარდირიც გახდა და სხვა რამდენიმე რეკორდიც დაამხო გზად. თუმცა, მოგვიანებით ჩატარებულ თამაშში მესიმ ჰეთ-თრიქით კვლავ გადაასწრო მუნდიალის ყველა დროის ბომბარდირებში და ახლა ფრანგი მას ორი გოლით ჩამორჩება, რის გამოც, ალბათ, ორმაგი მოტივაციით გავა მინდორზე.
ერაყმა პირველ ტურში ნორვეგიას ვერაფერი მოუხერხა და 1:4 განადგურდა. ზოგადად, სიკვდილის ჯგუფად შერაცხულ კვარტეტში ერაყი თავიდანვე განწირული ჩანდა. საფრანგეთი კი, მთავარ კონკურენტ ნორვეგიასთან შეხვედრამდე შეეცდება ჯგუფიდან გასვლის ოფიციალურად განაღდებას.
სავარაუდო შემადგენლობები:
საფრანგეთი: მენიო, კუნდე, უპამეკანო, სალიბა, დინი, კონე, რაბიო, დემბელე, ოლისე, ბარკოლა, მბაპე
ერაყი: ჰასანი, დოსკი, ჰაშემი, ტაჰსინი, ალი, ჯასიმი, შერი, ალ-ამარი, ბაიეში, ალ-ჰამადი, ჰუსეინი.
ნორვეგია - სენეგალი [04:00]
ჰალანდის სადებიუტო მატჩი მუნდიალებზე წარმატებული გამოდგა, მან ერაყს 2 გოლი გაუტანა, მისმა ნაკრებმა კი 4:1 მოიგო და ჯგუფს პირველი ტურის შემდეგ ლიდერობს. თუმცა, სენეგალი მარტივი მეტოქე რომ არ არის, ეს საფრანგეთთანაც დაამტკიცა, მითუმეტეს რომ დღეს აფრიკელებს ქულები ჰაერივით ესაჭიროებათ, რათა ჯგუფიდან გასვლის შანსი კვლავაც შეინარჩუნონ და მესამე ადგილით გასვლის იმედად არ დარჩნენ. ინტრიგა ცოცხალია, რაც საინტერესო დაპირისპირებას გვპირდება ვიკინგებსა და არ აღიარებულ აფრიკის ჩემპიონებს შორის.
ნორვეგია: ნილანდი, რაიერსონი, აიერი, ლისაკერი, ვოლფი, ოდეგორი, ბერგე, აურსნესი, ნუსა, სორლოტი, ჰალანდი.
სენეგალი: მენდი, დიუფი, ნიახატე, კულიბალი, დიატა, გეიე პ., გეიე ი., ნდიაიე, სარი, მანე, ჯექსონი.
იორდანია - ალჟირი [07:00]
იორდანია: აბულაილა, ჰადადი, ნასიბი, ალ-არაბი, აბუალნადი, აბუ ტაჰა, ალ-რაშდანი, ალ-რავაბდეჰი, ალ-ფახური, ოლვანი, თამარი.
ალჟირი: ზიდანი, ბენსებაინი, მანდი, ბელაიდი, აიტ-ნური, ზერუკი, ბუდაუი, ბელღალი, მაზა, ამურა, მაჰრეზი.
