ლამინ იამალისა და ახალგაზრდა ლიონელ მესის პირველი სამი სრული სეზონის შედარებამ აჩვენა, რომ ახალგაზრდა ესპანელი ვინგერი შთამბეჭდავ შედეგებს აფიქსირებს.
თამაშების რაოდენობა
ბარსელონამ მესი ფრანკ რეიკარდის ხელმძღვანელობით ოდნავ უფრო ფრთხილად და ნელ-ნელა შეიყვანა ძირითად გუნდში. აღსანიშნავია, რომ ადრეულ ეტაპზე მესის ტრავმებიც აფერხებდა.
იამალი კლუბისთვის პრაქტიკულად შეუცვლელი ფიგურა გახდა, რომელმაც ძირითად შემადგენლობაში თავიდანვე დიდი დატვირთვით ითამაშა (მესის ანალოგიურ პერიოდთან შედარებით დაახლოებით 50%-ით მეტი მატჩი).
სტატისტიკა
იამალმა კლუბში პირველ სამ სრულ სეზონში მესისზე მეტი გოლი და ასისტი დააგროვა, თუმცა მნიშვნელოვანია გავითვალისწინოთ ჩატარებული მატჩების დიდი რაოდენობაც.
ტიტულები კლუბში
მესი - ლა ლიგა, ჩემპიონთა ლიგა, სუპერკოპა.
იამალი - 2 ლა ლიგა, კოპა დელ რეი, 2 სუპერკოპა.
მესის შეფასება
თავად ლიონელ მესიმ იამალზე საუბრისას აღნიშნა, რომ ის მსოფლიოს ერთ-ერთი საუკეთესო მოთამაშე და გლობალური ვარსკვლავია, რომელსაც მთელი კარიერა ჯერ კიდევ წინ აქვს.
