მესის ტრავმა და გადამრჩენელი ლაუტარო - არგენტინა კოპას გამარჯვებულია!

კოპა ამერიკა 2024-ს ფინალი ძალიან დრამატული და დაძაბული გამოვიდა.

არგენტინის და კოლუმბიის მატჩი ჯერ გარკვეული დაგვიანებით დაიწყო, რადგან უბილეთო მაყურებლები ცდილობდნენ მოედანზე შეჭრას, რამაც აურზაური გამოიწვია.

საბოლოოდ, თამაში საათნახევრიანი დაგვიანების შემდეგ დაიწყო და ძალიან დაძაბული გამოვიდა. მატჩის ძირითადი 90 წუთი ფრედ 0:0 დასრულდა. 

66-ე წუთზე ლეო მესიმ კოჭის ტრავმა მიიღო და მოედნის დატოვება მოუწია, რაც ოქროს ბურთის რვა გზის გამარჯვებულმა ძალიან განიცადა და სათადარიგოთა სკამზე ატირდა.

საბოლოოდ, არგენტინას მხსნელად ლაუტარო მარტინესი მოევლინა, რომელმაც მეორე ექსტრა-ტაიმში, 112-ე წუთზე მოახერხა კარგი კომბინაციის შემდეგ გოლის გატანა და ალბისელესტეს ზედიზედ მე-2 და ისტორიაში მე-16 კოპა ამერიკა მოუტანა.