ჩელსიმ ლიამ როსენიორის გათავისუფლების შემდეგ, მთავარ მწვრთნელად ხაბი ალონსო დანიშნა.
ლურჯების ხელმძღვანელობამ ამჯერად სრულიად განსხვავებულ მიდგომას მიმართა - ესპანელ სპეციალისტს არა მთავარი მწვრთნელის , არამედ მენეჯერი სტატუსი და მეტი ძალაუფლება მიანიჭა, რაც BlueCo-ს ეპოქაში პირველად მოხდა.
კლუბს მიკელ არტეტას მსგავსი გრძელვადიანი პროექტისა და დინასტიის შექმნა სურს, ალონსო კი თომას ტუხელის შემდეგ ყველაზე ხმამაღალი სახელია, რომელიც ლონდონურმა გუნდმა მწვრთნელის პოსტზე მიიყვანა.
მხარეებს შორის 4-წლიანი კონტრაქტი გაფორმდა. ალონსოს, რომელმაც მადრიდის რეალიდან გათავისუფლების შემდეგ მცირე პაუზა აიღო, ახალ კლუბში ტრანსფერებზე დიდი გავლენა ექნება.
ალონსოსა და ჩელსის შორის საწყისი მოლაპარაკებები კარგად წარიმართა. შემდეგ ჩელსის ხელმძღვანელები გასულ კვირას ლონდონში ალონსოს შეხვდნენ. საქმე უფრო ლოჯისტიკასა და ხუთი სპორტული დირექტორის შეხედულებებს ეხებოდა, რომლებიც მის დანიშვნაში იყვნენ ჩართულნი, ვიდრე ესპანელისგან ძალაუფლების ხელში ჩაგდებას. ორივე მხარემ დაასკვნა, რომ მათი ხედვები თანხვედრაში იყო.
ჩელსი ალონსოსგან არა მხოლოდ გამარჯვებული გუნდის, არამედ შესანიშნავი კულტურის შექმნას ელიან. ჩელსი თვლის, რომ ის ფეხბურთელებისგან მუდამ მაღალ სტანდარტებს მოითხოვს და მათ პატივისცემას ბუნებრივად დაიმსახურებს.
ხაბი ალონსო, რომლის ტაქტიკური ხედვა ბურთის ფლობასა და აგრესიულ კონტრპრესინგზეა დაფუძნებული, მუშაობას ოფიციალურად 1 ივლისიდან შეუდგება, მისი დებიუტი კი ჰონგ-კონგისა და ავსტრალიის წინასასეზონო ტურნეზე შედგება.
