მერაბ დვალიშვილმა პიოტრ იანთან ბრძოლამდე რამდენიმე დღით ადრე ინტერვიუ ჩაწერა.
„კარგია დაბრუნება, მიყვარს დატვირთლი გრაფიკი და წონის კლების გარდა ყველაფერი მშვენიერია.
მიყვარს ბრძოლა და მინდა ყოველთვის დაკავებული ვიყო, დიდი მადლობა ორგანიზაციას, რომ მომცა შესაძლებლობა, წელს მეოთხედ ვიბრძოლო.
უნდა ჩავაბარო წონა, მოვიგო ბრძოლა და იგივე გავაკეთო შემდეგ წელსაც.
მთავარი ის არის, რომ მიყვარს ბრძოლა და მიყვარს MMA, მადლიერი ვარ, რომ ამ ორგანიზაციაში ვიბრძვი. ჩემთვის ყოველი ბრძოლა ძალიან მნიშვნელოვანია , განსაკუთრებით იმიტომ, რომ ქამარს ვიცავ და ეს იყო ჩემი გეგმაც, რომ დაკავებული ჩემპიონი ვყოფილიყავი. ორგანიზაციასაც ვუთხარი: ‘მინდა ხშირად ვიბრძოლო,’ და ისინიც ამაში ხელს მიწყობენ.
რა თქმა უნდა, ყველას გვაწუხებს ტრავმები და ცხოვრებისეული გამოწვევები, მაგრამ ყველაფერს ვუმკლავდები, ეს პრობლემა არაა ჩემთვის. მიყვარს ბრძოლის პროცესი.
პიოტრი ამ მომენტში ყველაზე დამსახურებული მეტოქეა ჩემთვის, რადგან სამმოგებიანი სერიიდან მოდის, ის საშიშია და დარწმუნებული ვარ, შურისძიება უნდა; დარწმუნებული ვარ, ოცნებობს, რომ დამაფინიშოს.
არ უნდა მოვდუნდე. არ შემიძლია მოდუნება, მე მასთან ერთხელ უკვე მოვიგე და ახლა იგივე ენერგია უნდა შევინარჩუნო. ეს კაცი ძალიან საშიშია და დარწმუნებული ვარ, გულშემატკივრებს ძალიან კარგ ბრძოლას ვაჩვენებთ, რადგან ეს აღარ იქნება ერთპიროვნული დომინაცია, როგორც პირველად.
ამ ბრძოლის შემდეგ ძალიან დამშვიდებული ვიქნები, ახლა დისციპლინა მჭირდება, ვაკონტროლებ ჩემს წონას, პარასკევის დილით 135 ფუნტში უნდა ჩავჯდე, ხოლო მეორე დღეს საუკეთესოთან, პიოტრ იანთან ბრძოლა მაქვს.
ამ ბრძოლის შემდეგ, ღმერთის წყალობით თუ მოვიგებ, დავისვენებ. მომდევნო კვირებში ვისიამოვნებ შობით, ახალი წლით და შემდეგ კვლავ ძალიან ბედნიერი დავბრუნდები მოსამზადებელ შეკრებაზე.
მინდა იგივე, ოთხჯერ ვიბრძოლო მომავალ წელსაც, პირველი ვიქნები, ვინც ტიტულს ოთხჯერ დაიცავს და თუ ისევ ოთხჯერ ვიჩხუბე, პირველი ვიქნები, ვინც ამას ზედიზედ გააკეთებს, ეს კარგია.
ამ მომენტში ბედნიერი ვარ და კარგად ვგრძნობ თავს იქ, სადაც ვარ, მინდა დავიცვა ჩემი ქამარი. უნდა გავამახვილო ყურადღება ძლიერ მეტოქეებზე, როგორიცაა პიოტრ იანი, ჩვენს წონით კატეგორიაში სხვა ბევრი კონტენდერიც გვყავს. მერე ვნახავთ.
თუ ორგანიზაცია მთხოვს წონის შეცვლას ან სუპერბრძოლების ჩატარებას, პრობლემა არ არის, მივიღებ, მაგრამ ახლა ჩემს დივიზიონზე ვარ კონცენტრირებული.“ - განაცხადა მერაბ დვალიშვილმა.
ქართველი ჩემპიონი 2025 წელს ქამარს მეოთხედ დაიცავს. მისი მეტოქე რუსი პიოტრ იანი იქნება. ღონისძიების მეინ ქარდი 7 დეკემბერს, 07:00 საათზე დაიწყება.
