მიქაუტაძე ლა ლიგის კვირის გუნდში მოხვდა

ესპანეთის ლა ლიგის 23-ე ტურში ვილიარეალმა ესპანიოლი 4-1 დაამარცხა.

გამარჯვებული გუნდის მხრიდან 2 საგოლე მოქმედება მიითვალა გიორგი მიქაუტაძემ, რომელმაც 35-ე წუთზე ბრწყინვალე დარტყმით ანგარიში გახსნა, 55-ე წუთზე კი ალბერტო მორეიროს გაუკეთა პასი, რომელმაც ანგარიში 4-0 გახადა.

VIDEO: ლამაზი გოლი და ასისტი - ჟორჟის მაგარი მატჩი ესპანიოლთან

სტატისტიკურმა გვერდმა Sofascore-მა ლა ლიგის კვირის გუნდი დაასახელა, სადაც ქართველი თავდამსხმელიც მოხვდა, რომელმაც 8.7 შეფასება დაიმსახურა.

სორია (ხეტაფე) - 8.6;

ჰაუსენი (რეალი) - 7.9, გარსია (ბარსელონა) - 8.1, სალასი (სევილია) - 8.2;

მილა (ხეტაფე) - 8,1;

პეპე (ვილიარეალი) - 9.0, რომანი (სელტა) - 8.2, გურუსეტა (ატლეტიკი) - 9.1, მოლეირო (ვილიარეალი) - 8.1;

მიქაუტაძე (ვილიარეალი) - 8.7, უილიამსი (ატლეტიკი) - 8.5