ბარსელონა მომავალი სეზონისთვის ცენტრფორვარდს რომ ეძებს, ცნობილი ამბავია. ტურინული Tuttosport-ის მიხედვით, დიდი შანსია, ბლაუგრანამ შევსება იუვენტუსიდან მიიღოს.
Diario Sport-ი სწორედ Tuttosport-ზე დაყრდნობით წერს, რომ დუშან ვლაჰოვიჩი კატალონიის მთავარ ქალაქში გადასვლას სერიოზულად განიხილავს. ამის შესახებ სერბი ფიზმომზადების მწვრთნელი, დუშან ილიჩი ამბობს, რომელიც ფეხბურთელის ახლო გარემოცვის წევრია.
"მჯერა, რომ იგი ბარსელონაში გადავა. ესპანეთში გადასვლა იუვენტუსში ტრანსფერამდეც შეეძლო, რადგან ატლეტიკო იწვევდა, მაგრამ მაშინ იტალიაში დარჩება ამჯობინა. ახლა სხვაგვარი ვითარებაა", - ამბობს ილიჩი.
ვლაჰოვიჩი ამჟამად მომზიდველი კუნთის მყესზე გაკეთებული ოპერაციის შემდეგ რეაბილიტაციას გადის და მოედანს მარტის დასაწყისიდან უნდა დაუბრუნდეს.
26 წლის სერბს სერია A-ს მიმდინარე სეზონში ჩატარებულ 13 მატჩში 3 გოლი და 1 ასისტი აქვს.
