ეკო გორგოძე კოლუმბიის ქალაქ კალიში დასრულებულ ჩელენჯერის ტიპის ტურნირზე, წყვილთა შორის, ფინალურ მატჩში დამარცხდა.
ქართველი ჩოგბურთელი იტალიელ ნიკოლ ფოსა უერგოსთან ერთად თამაშობდა და გადამწყვეტ შეხვედრაში ბრაზილიურ წყვილს, კანდიოტოსა და პიგოსის შემადგენლობით, შეხვდნენ.
მატჩი ბრაზილიელთა აშკარა უპირატესობით წარიმართა და 6:3; 6:1 დასრულდა.
შეგახსენებთ, გორგოძე-უერგოს წყვილმა ოქტომბრის დასაწყისში იტალიის ქალაქ რენდეში გამართული ტურნირი მოიგო. მას შემდეგ კი ეკომ, ესპანელ ირენე ბურიოსთან ერთად, ზედიზედ ორი ტურნირის ფინალში ითამაშა, ეს კი რიგით მე-3 ფინალი გახლდათ.
