მოდრიჩი: "ტოტენჰემიდან ჩელსიში წასვლა მინდოდა"

ლუკა მოდრიჩმა გაიხსენა, რომ ტოტენჰემიდან ჩელსიში გადასვლასთან ახლოს იყო.

„ალბათ მაშინ საჯაროდ არ უნდა მეთქვა, რომ წასვლა მინდოდა.

ამ ყველაფრის მიუხედავად, ტოტენჰემში ძალიან კარგად ვითამაშე. ისინი ჩემ მიმართ ძალიან მკაცრები იყვნენ, ხელმძღვანელმა დენიელ ლევიმ პირველივე შეხვედრაზე მიმახვედრა, რომ ჩემი გაშვების არანაირი შანსი არ იყო.

ამის შემდეგ ისე გავაგრძელე თამაში, თითქოს არაფერი მომხდარა. ვიცოდი, რომ ყველაფერი გართულდებოდა; ორივე კლუბი ლონდონშია და მათ შორის დიდი მეტოქეობაა.

წასვლა მინდოდა, მიუხედავადად იმისა, ვიცოდი, რომ ეს რთული იქნებოდა. საბოლოოდ ეს არ მოხდა და თამაში გავაგრძელე, ალბათ ეს ჩემი ერთ-ერთი საუკეთესო სეზონი იყო. ოთხეულში მოვხვდით; იმ წელს კი ჩელსიმ ჩემპიონთა ლიგა მოიგო.

სეზონი ფენომენალური იყო და ერთ წელიწადში კიდევ უფრო კარგი შესაძლებლობა გამოჩნდა. საბოლოოდ ყველაფერი უკეთ გამოვიდა; ალბათ ჩელსიში რომ გადავსულიყავი, რეალში ვერ მოვხვდებოდი.“ - იხსენებს ხორვატი.

ლუკა მოდრიჩი მადრიდის რეალში ლონდონის ტოტენჰემიდან 2012 წელს გადავიდა.