ევროპის ჩემპიონატის მოსამზადებელ ეტაპზე საქართველოს ნაკრები ამხანაგურ შეხვედრაში მონტენეგროს დაუპირისპირდა.
სანიოლის გუნდმა მეტოქე 1-3 დაამარცხა.
მე-10 წუთზე გიორგი ჩაკვეტაძის ჩაწოდებული კუთხურის შემდეგ გიორგი გველესიანის თავური პასი ოთარ კიტეიშვილმა გამოიყენა და ანგარიში გახსნა.
33-ე წუთზე ხვიჩა კვარაცხელიას ეფექტური თამაშის შემდეგ გიორგი მიქაუტაძე ერთი ერთზე გავიდა, თავდამსხმელმა კი მეკარეს ბურთი თავზე გადაუგდო და ჩვენი უპირატესობა ორამდე გაზარდა.
მეორე ტაიმში მასპინძელთა მხრიდან თამაშში სტევან იოვეტიჩი ჩაერთო და 66-ე წუთზე ერთი ბურთი გაქვითა.
მატჩს წერტილი 84-ე წუთზე დაესვა. შეცვლაზე შემოსულმა ბუდუ ზივზივაძემ ზურიკო დავითაშვილის დრიბლინგის შემდეგ მონტენეგროელთა კარი აიღო და საბოლოო ანგარიში დააფიქსირა (1-3).
საქართველოს ნაკრებმა მეტოქე დაამარცხა და გერმანიაში კარგ ხასიათზე მიემგზავრება.
