მსოფლიო ჩემპიონატის 1/16 ფინალში ესპანეთმა ავსტრია 3:0 გაანადგურა.
დუბლით თავი მიკელ ოიარსაბალმა გამოიჩინა, კიდევ ერთი გოლი კი პედრო პორომ შეაგდო. ასევე აღსანიშნავია მარკ კუკურელიას ორი საგოლე გადაცემაც.
ამ გამარჯვებით ესპანეთმა მუნდიალებზე 16-წლიანი წარუმატებლობა დაასრულა - გუნდი ჩემპიონობის შემდეგ ამ ტურნირზე პლეი-ოფის მატჩის მოგებას ვერ ახერხებდა - 2014-ში ჯგუფში ჩარჩა, 2018-ში და 2022-ში კი 1/8 ფინალში გამოეთიშა ასპარეზობას.
მიმდინარე მუნდიალზე ესპანეთი გოლგაუშვებლად თამაშს აგრძელებს, 1/8 ფინალში კი პორტუგალიასა და ხორვატიას შორის გამარჯვებულს დაუპირისპირდება.
