მოურინიო: "რეალი? ნუ მითრევთ ამ საპნის ოპერებში"

ბენფიკას მთავარმა მწვრთნელმა ჟოზე მოურინიომ რეალში შესაძლო დაბრუნების შესახებ დასმულ კითხვას უპასუხა.

„ნუ ჩამითრევთ ამ საპნის ოპერებში.

არსებობს კარგი საპნის ოპერები, მაგრამ ისინი ზედმეტად გაწელილია: ერთ-ორ სერიას გამოტოვებ და შემდეგ სიუჟეტის ძაფს ვეღარ მიჰყვები. ნუ ჩამითრევთ, რადგან მე მათ არ ვუყურებ“, — განაცხადა მოურინიომ.

პორტუგალიელი სპეციალისტი რეალს 2010-დან 2013 წლამდე წვრთნიდა.

პრესაში გავრცელდა ინფორმაცია, თითქოს რეალის პრეზიდენტს ფლორენტინო პერესს ზაფხულში მოურინიოს დაბრუნება სურს, რადგან მისი აზრით, დღევანდელი გუნდის ფეხბურთელებს სწორედ მისნაირი ავტორიტერის მქონე მკაცრი მწვრთნელი სჭირდება.

ამჟამად მოურინიო ბენფიკას წვრთნის და რეალთან ამ სეზონში მოუწევს დაპირისპირება — 28 იანვარს გუნდები ერთმანეთს ლისაბონში დაუპირისპირდებიან.