"მწვრთნელი ვარ და არა დამლაგებელი", - პოჩეტინო შეკითხვებით უკმაყოფილო დარჩა

აშშ-ს მწვრთნელი მაურისიო პოჩეტინო ურუგვაისთან 5:1 მოგების შემდეგ, ჟურნალისტების შეკითხვებით უკმაყოფილო დარჩა.

არგენტინელმა აშშ-ს ნაკრების ჩაბარების შემდეგ ჯამში 71 ფეხბურთელი გამოიძახა. გუნდმა 13 გამარჯვება მოიპოვა, 7-ჯერ დამარცხდა და ორჯერ ფრე ითამაშა.

როცა პოჩეტინოს უთხრეს, რომ გუნდს არ ჰყავს "მუდმივი მოთამაშეები", არგენტინელმა საპასუხო შეკითხვით უპასუხა: "და ვინ არიან ეს მუდმივი მოთამაშეები?"

ჟურნალისტმა თავისი შეკითხვის ახსნა სცადა, თუმცა პოჩეტინომ შეაწყვეტინა: "იქნებ ჯობია, შევწყვიტოთ პრესკონფერენცია, გასახდელში წავიდე, შემდეგ დავბრუნდე და ახლიდან დავიწყოთ? იმიტომ რომ ახლა ისე ლაპარაკობთ, თითქოს 1:5 წავაგეთ. მე აშშ-ს ნაკრების მწვრთნელი ვარ და არა დამლაგებელი. მითხარით, რომელ მუდმივ ფეხბურთელებზეა საუბარი, იმიტომ რომ მე ვერ ვხვდები, ეს რას ნიშნავს." 

ჟურნალისტმა აღნიშნა, რომ უფრო გამოცდილ ფეხბურთელებს გულისხმობს, თუმცა პოჩეტინო ვერც ამით დაკმაყოფილდა:

„რომელს? მაინც რომელს? ფეხბურთელებს უნდა მივულოცოთ. არ ვიცი, უსმენენ თუ არა ისინი პრესკონფერენციას, მაგრამ თუ ვინმე ახლა იგრძნობს, რომ არ არის "მუდმივი მოთამაშე", მაგრამ მაინც თამაშობს და კარგად აჩვენებს თავს, მის ადგილზე იმედგაცრუებული ვიქნებოდი.

სიმართლე გითხრათ, დავიღალე და ალბათ, საკმარისად ინგლისურიც არ მესმის. თუმცა, პირველი შეკითხვებით ძალიან იმედგაცრუებული ვარ და ვერ ვხვდები, რისი მოსმენა გინდათ?"