მუნდიალის წინ ლენარტ კარლმა ტრავმა მიიღო

მიუნხენის ბაიერნის ახალგაზრდა ვარსკვლავმა ლენარტ კარლმა ვარჯიშის დროს ტრავმა მიიღო და საავადმყოფოში გადაიყვანეს.

გერმანიის ნაკრები ჩიკაგოში 2026 წლის მსოფლიო ჩემპიონატისთვის მზადებას აგრძელებს.

ბაიერნში გამორჩეული სადებიუტო სეზონის შემდეგ, რომლის განმავლობაში ბუნდესლიგის 26 მატჩში 5 გოლი გაიტანა და 5 საგოლე გადაცემა შეასრულა, კარლი მთავარი მწვრთნელის, იულიან ნაგელსმანის, საბოლოო 26-კაციან შემადგენლობაში მოხვდა.

18 წლის ფეხბურთელი გუნდთან ერთად ჩიკაგოში გაფრინდა, თუმცა ვარჯიშისას მიღებული ტრავმის გამო, საავადმყოფოში გადაიყვანეს. გერმანიის ნაკრები ამ დროს მსოფლიო ჩემპიონატის წინ ბოლო მოსამზადებელი მატჩისთვის, შაბათს აშშ-ის წინააღმდეგ გასამართ ამხანაგური შეხვედრისთვის, ემზადებოდა.

„სამწუხაროდ, ლენიმ დღეს ვარჯიშზე ტრავმა მიიღო,“ - განაცხადა ნაგელსმანმა სავარჯიშო სესიის შემდეგ გამართულ პრესკონფერენციაზე.

მოგვიწევს დაველოდოთ და ვნახოთ, რა შედეგს მოგვცემს გამოკვლევები. სიმართლე გითხრათ, ეს განსაკუთრებით დამაიმედებლად არ გამოიყურებოდა.

თუმცა გთხოვთ, ცოტა მოთმინება გამოიჩინოთ, ახლა საავადმყოფოში მივდივართ, რათა სკანირება ჩაუტარდეს.

გთხოვთ, ნუ გაჰყვებით მას, მიეცით ფეხბურთელს ცოტა სივრცე და დროულად მიიღებთ ინფორმაციას მისი მდგომარეობის შესახებ.

პირველ რიგში, მას სჭირდება დრო, რომ თავად გააცნობიეროს მომხდარი, და ჩვენც გვჭირდება დრო, სანამ გადავწყვეტთ, რა იქნება შემდეგი ნაბიჯი. ამისთვის დიაგნოზი გვჭირდება.

როგორც კი გვექნება, განახლებულ ინფორმაციას მოგაწვდით და შემდეგ ვნახავთ, შეძლებს თუ არა, ტურნირზე ჩვენთან ერთად დარჩენას, თუ მოგვიწევს მისი შემცვლელის გამოძახება. თუმცა ყველაფერს ეტაპობრივად მივუდგებით.“ - განაცხადა გერმანელმა სპეციალისტმა.