შვეიცარიის ნაკრების მთავარმა მწვრთნელმა, მურატ იაკინმა მსოფლიო ჩემპიონატის 1/4 ფინალში არგენტინასთან დამატებით დროში მარცხი (1:3) შეაფასა.
შვეიცარიელები მატჩის 72-ე წუთიდან კაცნაკლულები თამაშობდნენ - მთავარმა მსაჯმა ჟოაუ პინეირუმ ბრელ ემბოლოს მეორე ყვითელი ბარათი სიმულაციისთვის უჩვენა, რაც იაკინის მკაცრი კრიტიკის მიზეზი გახდა.
„თამაშის მსვლელობიდან გამომდინარე, მეტოქეზე უკეთესები ვიყავით. ვამაყობ გუნდითა და სამწვრთნელო შტაბით იმის გამო, თუ როგორ ვიბრძოლეთ - ათი კაცითაც კი.
მატჩის რითმი დაჭერილი გვქონდა და ზუსტად გაძევებამდე შეტევაში ცვლილების გაკეთებას ვაპირებდით. არ ვიცი, ვინ მოიფიქრა ეს წესი, მაგრამ ჩვენ მას ვერ შევცვლით. თუ ემბოლოს ამისთვის ყვითელი ბარათი მისცეს, მაშინ მანამდე თავად ბრელის წინააღმდეგ უამრავ ეპიზოდში უნდა მიეცათ ზუსტად ასეთივე ბარათები მეტოქეებისთვის. საბოლოო ჯამში, დავისაჯეთ. ჩემთვის გაუგებარია, როგორ დაგვასუსტა ასე ამ წესმა.
თუმცა, ჩვენმა ბრძოლამ აჩვენა, რამდენი ენერგია და ენტუზიაზმია ამ გუნდში. ჩემთვის თითოეული ფეხბურთელი გმირია“, - განაცხადა იაკინმა.
