5 და 7 ნოემბერს საქართველოს ფუტსალის ეროვნული ნაკრები ორ ამხანაგურ შეხვედრას ჩაატარებს, სადაც ავთანდილ ასათიანის გუნდის მეტოქე ლიბანის ნაკრები იქნება.
ორივე დაპირისპირებას თელავის სპორტის სასახლე უმასპინძლებს და გულშემატკივრებისთვის მატჩებზე დასწრება სრულიად თავისუფალია. 5 ნოემბერს თამაში 19:00 საათზე დაიწყება, 7 ნოემბერს კი შეხვედრა 14:00 საათზეა ჩანიშნული.
მომავალი მატჩებისთვის მთავარმა მწვრთნელმა 16 ფეხბურთელი გამოიძახა. შემადგენლობაში ერთი დებიუტანტია - ეროვნული გუნდის მაისურს პირველად თსუ-ს მოთამაშე, გეგა კოშაძე მოირგებს.
სანაკრებო სია ასე გამოიყურება:
მეკარეები: ალი ასლანი (კსუ), ბექა ტყემალაძე (დინამო თბილისი), ლუკა ხარშილაძე (ნიუ ვიჟენ ჯორჯიანსი).
წინა ხაზი: გიორგი ჩიმაკაძე (კსუ), ვახტანგ კეკელია (პსპ), არჩილ სებისკვერაძე (ნიუ ვიჟენ ჯორჯიანსი), გეგა კოშაძე (თსუ), ვახტანგ ჯვარაშვილი (ნიუ ვიჟენ ჯორჯიანსი), ლევან სვანიძე (ნიუ ვიჟენ ჯორჯიანსი), ნიკოლოზ გაბრიჩიძე (ნიუ ვიჟენ ჯორჯიანსი), ლუკა ფარცვანია (გომელი), საბა ტყემელაშვილი (გომელი), ჯანიკო გიორგაია (კსუ), ნიკოლოზ კურტანიძე (პსპ), შოთა თოფურია (ნიუ ვიჟენ ჯორჯიანსი), ნიკა ხარატიშვილი (კსუ).
