კრიშტიანუ რონალდუმ ნაიკისგან კიდევ ერთი განსაკუთრებული საჩუქარი მიიღო.
მსოფლიო ჩემპიონატზე ექვს სხვადასხვა ტურნირზე გოლის გატანის ისტორიული მიღწევის აღსანიშნავად, ნაიკმა, სულ რაღაც ორ დღეში, რონალდუს მეორე პერსონალური მოდელი - Mercurial Superfly 11 CR7 Gold Scorpion წარუდგინა.
ნაიკის სპეციალური ბუცები რონალდუს ისტორიული მიღწევის აღსანიშნავად
თუკი წინა დღეს წარდგენილი მოდელი რონალდუს კარიერულ მემკვიდრეობას და წარსულს ეძღვნებოდა, ახალი Gold Scorpion აწმყოსა და მომავალზეა ფოკუსირებული. სწორედ ამ ბოტასებით აპირებს პორტუგალიელი სუპერვარსკვლავი 2026 წლის მსოფლიო ჩემპიონატის დარჩენილი მატჩების ჩატარებას.
დიზაინი ნაიკიის ყველაზე დახვეწილ და თანამედროვე მოდელს - Mercurial Superfly 11-ს ეფუძნება, რომელიც ოქროსფერად არის გაფორმებული, რაც ფეხბურთელის დომინირებასა და უპრეცედენტო მიღწევებს უსვამს ხაზს.
მოდელის სახელი და დიზაინი პირდაპირ კავშირშია 2002 წლის საკულტო საიდუმლო ტურნირთან, სადაც მორიელის სიმბოლო - შიშის არქონისა და ინდივიდუალიზმის ნიშანი, ფეხბურთის კულტურის განუყოფელი ნაწილი გახდა.
ბოტასზე დატანილი ეს დეტალი ხაზს უსვამს იმ მებრძოლ ხასიათს, რომელიც რონალდუსთვისაა დამახასიათებელი. ორი ახალი მოდელის გამოშვება ერთიანი კონცეფციის ნაწილია, რომელიც რონალდუს ისტორიას არა როგორც დასრულებულ ეპოქას, არამედ როგორც მუდმივად განვითარებად პროცესს წარმოაჩენს.
