მადრიდის რეალის ვარსკვლავმა ფედერიკო ვალვერდემ საწვრთნელ ბაზაზე ორელიენ ჩუამენისთან მომხდარ სკანდალურ ჩხუბზე პირველად ილაპარაკა.
ფიზიკური კონფლიქტის დროს ურუგვაელმა ფეხბურთელმა თავი მაგიდას ჩამოარტყა, რის გამოც საავადმყოფოში გადაყვანა და ჭრილობის გაკერვა დასჭირდა.
ურუგვაის ნაკრებში ჩასვლისთანავე ვალვერდემ მედიასთან ეს მძიმე ინციდენტი შეაჯამა:
თავს კარგად ვგრძნობ. მადრიდის რეალის გულშემატკივრებისა და კლუბისგან უდიდესი მხარდაჭერა მივიღე. ფეხბურთსა და ცხოვრებაში ხანდახან ასეთი ბარიერების გადალახვა გიწევს, რათა გაიზარდო და ჩამოყალიბდე. იმედი მაქვს, ეს გამოცდილება მომავალში კაპიტნობაში დამეხმარება.
ინციდენტს მადრიდულ გრანდში დიდი ფინანსური სანქციები მოჰყვა. კლუბმა შიდა გამოძიება ჩაატარა და პროფესიონალური სტანდარტების დარღვევის გამო ორივე ფეხბურთელი 500 000 ევროთი დააჯარიმა, თუმცა ისინი მატჩებიდან არ მოუხსნიათ. ფეხბურთელის თქმით, ჩხუბი სეზონის ბოლოს დაგროვილმა დაღლილობამ და უტიტულო ასპარეზობით გამოწვეულმა იმედგაცრუებამ გამოიწვია.
ახლა ვალვერდე სრულად მარსელო ბიელსას ურუგვაის ნაკრებზეა კონცენტრირებული და მსოფლიო ჩემპიონობაზე ოცნებობს. გუნდში არსებული საკადრო პრობლემების გამო, ის მზად არის ნაკრების ინტერესებიდან გამომდინარე მარჯვენა მცველის პოზიციაზეც კი ითამაშოს.
