ევერტონის ოფიციალური გვერდის განცხადებით, კლუბის მფლობელთა ჯგუფში ახალი დანამატია.
ჯეისონ კიდი, დალას მავერიქსის მთავარი მწვრთნელი, Roundhose Capital Holdings-ს შეუერთდა, რომელიც ფრიდკინების ჯგუფის ნაწილია.
კიდს NBA-ს ყველა ვარსკვლავის მატჩში 10-ჯერ აქვს მონაწილეობა მიღებული და თავისი თაობის ერთ-ერთ საუკეთესო მოთამაშედ ითვლება.
მან 2011 წელს დალასთან ერთად ბეჭდის მოგება მოახერხა, აშშ-ს ნაკრებთან ერთად კი 2000 და 2008 წლებში ოლიმპიური ოქრო მოიპოვა.
"დიდი პატივია, რომ ევერტონის მფლობელების ჯგუფს ვუერთდები ასეთ მნიშვნელოვან მომენტში: ჰორიზონტზე ახალი სტადიონი და წინ ნათელი მომავალი გვაქვს." - განაცხადა კიდმა.
