ნეიმარმა წლის ბოლომდე ნაკრებში არ გამოძახება ითხოვა.
ოქტომბერში ბრაზილიელი ერთწლიანი მუხლის ტრავმის შემდეგ დაბრუნდა მოედანზე და ალ ჰილალისა და ალ აინის მატჩში (5:4) მიიღო მონაწილეობა.
Globo-ს ინფორმაციით, 32 წლის ფორვარდი ბრაზილიიეს ფეხბურთის კონფედერაციას შეუთანხმდა, რომ მას 2024 წლის ბოლო სანაკრებო პაუზაზე ნაკრებში არ გამოძახებენ.
ორგანიზაციის ხელმძღვანელობა ეთანხმება იმ ფაქტს, რომ ნეიმარმა ჯერ კლუბში უნდა აღიდგინოს ფორმა და საუკეთესო ფიზიკური კონდიციები და ნაკრებში მხოლოდ ამის შემდეგ გამოიძახებენ.
შესაბამისად, ნეიმარი ნაკრებს ნოემბერში ვენესუელასთან და ურუგვაისთან საკვალიფიკაციო ეტაპის მატჩებში ვერ დაეხმარება და დიდი ალბათობით, გუნდში მარტში დაბრუნდება, როცა სელესაო კოლუბმიას და არგენტინას შეხვდება.
