მუნდიალიდან გამოვარდნისა და სანაკრებო კარიერის დასრულების შემდეგ, ნეიმარმა ჭრილობების მოშუშება ძვირადღირებული საჩუქრით გადაწყვიტა - მან 17 მილიონ ფუნტად (22 მლნ დოლარი) მდიდრული სუპერიახტა შეიძინა.
ამ ნაბიჯით სანტოსის ფორვარდი დევიდ ბექემისა და კრიშტიანუ რონალდუს ელიტურ ნავების კლუბს შეუერთდა.
იახტას, რომლის სიგრძე 46 მეტრს აღემატება, სახელი ნეიმარის ინიციალების პატივსაცემად Enejota დაარქვეს. ეს არის მოდერნიზებული სატვირთო გემი, რომელიც 800 კვადრატული მეტრის ფართობის მქონე მცურავ სასახლედ გადააკეთეს. ხომალდი 1450-ცხენისძალიანი ოთხი ძრავითაა აღჭურვილი და რიო-დე-ჟანეიროს სანაპიროზე უკვე ჩაუშვეს.
ნაკრებიდან წასვლის გამო გამოწვეული ტკივილი ნეიმარისთვის მძიმე აღმოჩნდა/ ბრაზილიამ მუნდიალის მერვედფინალი ნორვეგიასთან წააგო, სადაც ვარსკვლავმა თავისი მე-80 და უკანასკნელი გოლი გაიტანა. სანაკრებო კარიერის დასრულების შემდეგ, 34 წლის ფეხბურთელი ახლა სრულად სანტოსსა და პოკერზე კონცენტრირდება.
