ოდეგორის ამბიციური განცხადება სიტისთან მოგების შემდეგ

არსენალის კაპიტანმა მარტინ ოდეგორმა მანჩესტერ სიტისთან მოპოვებული დამაჯერებელი გამარჯვების შემდეგ გუნდის დიდ ამბიციებზე ისაუბრა.

კარდიფში გამართულ მატჩში მეთოფეებმა მეტოქეს შანსი არ დაუტოვეს. ანგარიში პირველივე წუთზე გაიხსნა.

მატჩის შემდეგ გაკეთებულ კომენტარში ოდეგორმა ხაზგასმით აღნიშნა, რომ გასული სეზონის გამოცდილებამ გუნდს კიდევ უფრო მეტი თავდაჯერებულობა შემატა.

მისი თქმით, წარმატებული სტარტი მხოლოდ დასაწყისია და ლონდონელები ახალ სეზონში მაქსიმალური შედეგისთვის იბრძვიან:

ჩვენ ყველაფრის მოგება გვსურს. როდესაც გამარჯვების გემოს გაიგებ, ყველაფრის განმეორება გინდება.

ნორვეგიელმა ნახევარმცველმა აღნიშნა, რომ არსენალის მასშტაბის გუნდისთვის პრიორიტეტი ყველა ტურნირზე წარმატებაა, თუმცა განსაკუთრებული ადგილი მაინც ევროპულ ასპარეზს უჭირავს:

ჩვენ ვაჩვენეთ ჩვენი დონე, მზად ვართ და გვსურს იგივეს გამეორება. ამ კლუბში უბრალოდ ყველა ტიტულისთვის იბრძვი, მაგრამ ჩემპიონთა ლიგა მათ შორის ყველაზე დიდია.