ოფიციალურად: გრიმალდო ატლეტიკოს ფეხბურთელია

მადრიდის ატლეტიკოსა და ლევერკუზენის ბაიერს შორის ალეხანდრო გრიმალდოს ტრანსფერზე შეთანხმება შედგა.

ესპანელმა ფეხბურთელმა მადრიდულ კლუბთან კონტრაქტი 2030 წლის 30 ივნისამდე გააფორმა.

გრიმალდომ საფეხბურთო განათლება ატლეტიკო ვალბონენსეს, ვალენსიასა და ბარსელონას აკადემიებში მიიღო.

სწორედ ბარსელონა ბ-დან გადავიდა ის 2015 წლის დეკემბერში ბენფიკაში. ლისაბონურ კლუბში მან 303 მატჩი ჩაატარა, 27 გოლი გაიტანა და 66 საგოლე გადაცემა შეასრულა.

შვიდწელიწადნახევრის განმავლობაში მან პორტუგალიაში 4 ჩემპიონატი, 3 სუპერთასი, 1 თასი და 1 ლიგის თასი მოიგო.

2023 წლის ზაფხულში გრიმალდო ლევერკუზენს შეუერთდა, რომლის მაისურითაც 145 შეხვედრაში ითამაშა. მან 30 გოლი გაიტანა და 45 საგოლე გადაცემა გააკეთა.

ესპანელი ერთ-ერთი მთავარი ფიგურა იყო ბაიერის ისტორიულ სეზონში, როდესაც გუნდმა 2023/24 წლებში ბუნდესლიგისა და გერმანიის თასი მოიგო, UEFA-ს ევროპა ლიგის ფინალშიც გავიდა და მომდევნო სეზონის დასაწყისში გერმანიის სუპერთასსაც დაეუფლა.

ატლეტიკომ გერმანულ კლუბს მოთამაშის სანაცვლოდ 20 მილიონი ევრო გადაუხადა.