ოქროს ბურთის გამოკითხვაში პირველი ადგილი კვარას მხოლოდ ერთმა ჟურნალისტმა მიანიჭა

გამოცემა L'Equipe-მ ოქროს ბურთის გამოკითხვის დეტალური ინფორმაცია გამოაქვეყნა.

როგორც ცნობილია, მასში მონაწილეობას 100 სხვადასხვა ქვეყნის ჟურნალისტები იღებენ.

100-დან 73-მა ჟურნალისტმა პირველ ადგილზე უსმან დემბელე დააყენა. 

მაგალითისთვის, მეორეადგილოსანი ლამინ იამალი პირველზე 100-დან მხოლოდ 11-მა ჟურნალისტმა გაიყვანა.

100-დან 6 შემთხვევაში პირველი ადგილი ვიტინიას ერგო, 4-ში მო სალაჰს, 3-ში აშრაფ ჰაკიმის, თითო-თითოჯერ კი პირველ ადგილზე ხვიჩა კვარაცხელია და კილიან მბაპე დააყენეს.

საქართველოდან გამოკითხვაში მონაწილეობა გამოცემა „სარბიელის" წარმომადგენელმა ვახტანგ ბზიკაძემ მიიღო, რომელმაც თავისი პირველი ადგილი ხვიჩა კვარაცხელიას მიანიჭა.